Rythma- og Blúsfélagið styrkir Þroskahjálp

Þroskahjálp á Suðurnesjum fékk góða gjöf í gær þar sem Rythma- og Blúsfélag Reykjanesbæjar afhenti þeim fjármuni sem höfðu safnast á styrktartónleikum félagsins fyrir nokkru.

Tónleikarnir fóru fram í listasafni Duushúsa og komu fram Rúnar Júlíusson, Halldór Bragason, R&B sveitin VAX og Breiðbandið. Veitingahúsin Kaffi Duus, Kaffitár og Matarlyst buðu upp á veitingar og Reykjanesbær lagði til húsnæði, svið og hljóðkerfi.

Framlagið var að sjálfsögðu vel þegið og mun eflaust nýtast vel í starfi Þroskahjálpar.

VF-mynd/Þorgils Jónsson: Margrét Eysteinsdóttir, formaður R&B félagsins, afhendir Halldóri Leví Björnssyni, formanni Þroskahjálpar, sparigrís sem inniheldur styrkinn