Rólegheit á Ljósanótt

Ljósanótt fór friðsamlega fram í Reykjanesbæ, að sögn lögreglu. Aðeins ein tilkynning barst vegna líkamsmeiðinga, en tveimur mönnum lenti saman fyrir utan skemmtistaðinn Ránna rétt fyrir klukkan fimm um nóttina. Þeir voru báðir fluttir á sjúkrahús, annar hlaut höfuðáverka og hinn slasaðist á hendi og kenndi til í andliti.Tilkynnt var um rúðubrot í samkomuhúsinu í Garði og ólæti utandyra. Þegar lögreglan ætlaði að hafa afskipti af drengnum sem braut rúðuna, þá veittist hann að lögreglumanni og beit hann í sköflunginn. Bitvargurinn var handtekinn og vistaður í fangaklefa lögreglunnar um nóttina.