Róleg nótt hjá lögreglu

Næturvaktin var viðburðarlaus hjá lögreglunni í Keflavík. Engin útköll bárust en á kvöldvaktinni fylgdi lögreglan víkingaskipinu Íslendingi inn Reykjanesbraut en verið er að flytja það að Jökulsárlóni á Breiðamerkursandi. Þar mun skipið verða notað við gerð myndarinnar Bjólfskviðu.

Þá voru ökumaður og farþegi bifreiðar sektaðir fyrir að nota ekki öryggisbelti.