Reykjanesbær í ábyrgð á láni hafnarinnar

Bæjarstjórn Reykjanesbæjar samþykkti á fundi sínum í vikunni að veita Reykjaneshöfn ábyrgð vegna láns upp á 18.500.000 krónur hjá Lánasjóði sveitarfélaga. Lánið er til tíu ára og er til endurfjármögnunar afborgana af lánum Reykjaneshafnar. Bæjarstjórn Reykjanesbæjar hefur skuldbundið sig til að selja ekki eignarhlut sinn í Reykjaneshöfn til einkaaðila, í heild eða að hluta, þar til lánið er að fullu greitt.