Reykjanes í sjónvarpsþætti Jóns Óttars
Fór í fjórhjólaferð við Grindavík, á þotuskíði frá Keflavík og í ævintýri í Sandvík.
Reykjanes var í stóru hlutverki í nýjasta þætti sjónvarpsþáttaraðarinnar Dulda Ísland, sem hóf göngu sína á Stöð 2 fyrir skömmu. Sjónvarpsmaðurinn Jón Óttar Ragnarsson fór m.a. í spennandi fjórhjólaferð við Grindavík og umhverfið þar naut sín vel á skjánum.
Þá var farið á þotuskíði frá smábátahöfninni í Gróf í Keflavík og einnig var brugðið á leik á kraftmiklum bátum í Sandvík á Reykjanesi.
Í þáttunum skoðar Jón Óttar helstu perlur landsins með þjóðþekktum einstaklingum og kynnir okkur fyrir duldum stöðum á Íslandi. Samferðarmenn hans eru meðal annars Magnús Scheving, Eiður Smári, Þorvaldur Davíð, Björn Hlynur Haraldsson, Erpur og Vilborg Arna pólfari.
