Réttindalaus og undir áhrifum olli slysi

Umferðaróhapp varð á Reykjanesbrautinni á Strandarheiði rétt vestan við Kúagerði í morgun.  Þar mun ökumaður hafa sofnað undir stýri og lent utan í sendiferðabifreið sem hann ók á eftir. 

Tjónvaldur er grunaður um akstur undir áhrifum fíkniefna og var hann færður á lögreglustöð til skýrslutöku.  Hann reyndist einnig vera sviptur ökuréttindum.