Réttað í máli Scott Ramseys

Aðalmeðferð í máli ríkissaksóknara gegn Scott Ramsey, sem ákærður er fyrir að hafa slegið danskan hermann í höfuðið á skemmtistaðnum Traffic í Reykjanesbæ í nóvember 2004 með þeim afleiðingum að mannsbani hlaust af, hefst fyrir héraðsdómi 22. september. Ákærði hefur játað sök fyrir dómi við þingfestingu málsins.

Á rannsóknarstigi málsins hjá lögreglu sætti grunaði stuttu gæsluvarðhaldi en ekki var talin þörf á að halda honum lengur þar sem málið upplýstist fljótt að því er lögregla greindi frá á sínum tíma.