Ragnar Ómarsson látinn

Ragnar Ómarsson matreiðslumaður er látinn, 51 árs að aldri. Hann lést á Landspítalanum við Hringbraut síðastliðinn föstudag. Morgunblaðið greinir frá andlátinu.

Ragnar útskrifaðist frá Hót­el- og veit­inga­skóla Íslands árið 1994 eft­ir að hafa lært fagið á veit­ingastaðnum Glóðinni í Kefla­vík á ár­un­um 1989-1993.
Hann átti eftir að starfa sem matreiðslumaður á veitingastöðum, meðal annars í Osló í Noregi og Monterey í Kaliforníu áður en hann sneri heim til Íslands.

Síðar starfaði hann sem yf­ir­mat­reiðslumaður á Hót­el Holti, Leik­hús­kjall­ar­an­um og á veit­inga­stöðunum SALT og DOMO. Und­an­far­in miss­eri hafði Raggi nýtt sérþekk­ingu sína á sviði mat­reiðslu í að end­ur­ræsa veit­ingastaði víða um land og gæða þá nýju lífi.

Ragnar vann til fjölda verðlauna á ferli sínum sem matreiðslumaður og var þannig valinn Matreiðslumaður ársins árið 1999, Matreiðslumaður Norðurlanda árið 2003 og hafnaði í öðru sæti í alþjóðlegu One World-keppninni í Suður-Afríku árið 2007. Þá var hann einnig í kokkalandsliðinu á sínum tíma og tók við starfi þjálfara árið 2006.

Raggi læt­ur eft­ir sig tvö börn, þau Maríu Lív og Oli­ver Snorra.