Ráðherra segir þurfa að loka United Silicon
- „Hvernig hafa starfsmenn nákvæmlega verið öruggir þegar eldsvoðinn í nótt braust út?“ spyr umhverfisráðherra
„Nú er komið nóg. Það þarf að loka kísilmálverksmiðjunni í Helguvík á meðan eftirfarandi þættir eru kannaðir til fullnustu,“ ritaði Björt Ólafsdóttir, auðlinda- og umhverfisráðherra á Facebook-síðu sína í morgun eftir að fréttir bárust af bruna á þremur hæðum í United Silicon í nótt. Í færslunni segir ráðherrann meðal annars að kanna þurfi aðstæður starfsfólks í verksmiðjunni og spyr hvers vegna íbúar í grennd við verksmiðuna upplifi einkenni sem mengunarmælingar geti ekki útskýrt.
Færsla auðlinda- og umhverfisráðherra er eftirfarandi:
