Próflausir og grunaðir um ölvunarakstur

Flugvél frá United flugfélaginu lenti í gærmorgun á Keflavíkurflugvelli vegna hjartatilfellis um borð.  Franskur flugfarþegi hafði fengið  hjartakast og var fluttur með sjúkrabifreið á Landsspítalann í Reykjavík.  Vélin var að koma frá Frankfurt á leið til Chicago.

Um miðjan dag var ökumaður tekinn á Reykjanesbrautinni og er hann grunaður um akstur undir áhrifum fíkniefna. Annar  ökumaður var tekinn um morguninn vegna sömu saka.  Hann reyndist einnig vera sviptur ökuréttindum.

Sá þriðji var var tekinn í gærkvöld grunaður um ölvun við akstur.  Hann var einnig kærður fyrir að aka bifreið án þess að hafa öðlast ökuréttindi.