Portúgalir smíða möstur Suðurnesjalínu 2

Portúgalska fyrirtækið Metalogalva átti lægsta tilboð í stálmöstur þriggja háspennulína sem Landsnet hyggst reisa. Þar á meðal eru það möstur í Suðurnesjalínu 2.

Fimmtán tilboð buðust í gerð mastranna og voru tólf þeirra undir kostnaðaráætlun. Tilboð Metalogalva hljóðaði upp á tæpar 3,2 milljónir evra. Það eru 59 prósent af kostnaðaráætlun sem hljóðaði upp á 5,4 milljónir evra, segir í frétt á RÚV.