Pollróleg helgi hjá lögreglu

Helgin hefur verið með allra rólegasta móti hjá lögreglunni í Keflavík. Ekkert hefur verið um útköll og lítið að gerast í skemmtanalífi og umferðinni. Viðmælandi Víkurfrétta á varstofu lögreglunnar sagði að það eina sem hafi komið upp á hafi verið að einstaklingur fékk að gista fangageymslur vegna ölvunar. Lögreglumenn rákust á hann í miðbæ Reykjanesbæjar og skutu yfir hann skjólshúsi.

Er talið að ástæða þessara rólegheita sé sú staðreynd að margir hafa farið út úr bænum í ferðalag, enda önnur stærsta ferðahelgi sumarsins.