Öruggast að halda sig inni

Nú gengur mikið hvassviðri yfir víða um land. Haft er eftir Einari Sveinbjörnssyni, veðurfræðingi hjá Veðurvaktinni á vef VÍS að öruggast sé að vera ekki utandyra meðan veðurhæðin er mest þar sem varasamt geti verið að vera á ferðinni. Fólk er hvatt til þess að gæta þess að hurðir, bæði á bílum og húsum, fjúki ekki upp þegar gengið er um þær og gluggar áveðurs séu lokaðir.

Á vef Veðurstofu Íslands segir að draga muni úr smám saman úr vindi seinni partinn. Búast má við að hvassviðrinu fylgi talsverð rigning.