Opnað fyrir umsóknir í Vinnuskóla Reykjanesbæjar

Opnað verður fyrir umsóknir nemenda í Vinnuskóla Reykjanesbæjar sem fæddir eru árin 2000, 1999 og 1998, næstkomandi föstudag, 17. apríl. Vakin er sérstök athygli á því að nemendur fæddir 2001 eiga ekki kost á vinnu sumarið 2015.

 

Vinnuskólinn er fluttur í Reykjaneshöllina og mæta nemendur því þangað á fyrsta degi hvers tímabils. Þar er raðað niður í hópa og nemendur hitta flokkstjórann sinn. Frá Reykjaneshöllinni fara krakkanrir með sínum hópi í sitt skólahverfi til vinnu og munu eftir það hittast við þá starfsstöð.

 

Tímabilin 2015 eru eftirfarandi:

 

9. - 10. bekkur

Unnið er 4 daga vikunnar - ekki er unnið á föstudögum. Mánudag til fimmtudag frá 08:00-16:00 og hádegismatur frá 12:00-13:00.

 

Tímabil A hefst 10. júní og lýkur 8. júlí.

 

Ekki er unnið neina föstudaga.

 

Tímabil B hefst 13. júlí og lýkur 7. ágúst.

 

Unnið föstudaginn 7. ágúst!

 

17. ára hópur

 

Í vinnuskólanum er nú í fyrsta sinn 17 ára hópur. Takmarkaður fjöldi kemst í þennan hóp en þessir nemendur eiga kost á vinnu í sex vikur á átta vikna tímabili. Þessi hópur var formlega stofnaður til að koma til móts við þennan aldurshóp því ljóst þykir að hann á mjög erfitt með að finna sér sumarvinnu.

Þessi hópur mun sinna hefðbundnum umhverfis- og garðyrkjustörfum, auk tilfallandi verkefna.

 

Unnið er fjóra daga vikunnar - ekki er unnið á föstudögum. Mánudag til fimmtudag  frá 08:00-16:00 og hádegismatur erfrá 12:00-13:00.

 

Búið er að opna upplýsingasíðu fyrir vinnuskólann sem er einnig tengd við facebook síðu vinnuskólans. Slóðin er www.vinnuskolinn.wordpress.com og www.facebook.com/vinnuskolirnb og eru bæði nemendur og foreldrar hvattir til að fylgjast vel með. Þar verða allar nýjar upplýsingar birtar, myndir og allt annað skemmtilegt sem fellur til.