Opna bar í Garði

Að undanförnu hafa staðið yfir breytingar á Samkomuhúsinu í Garði. Verið er að útbúa bar í húsinu en hreppsnefnd hefur samþykkt að veita rekstraraðila hússins, Jóhanni Þorsteinssyni vínveitingaleyfi. Einnig hefur hreppsnefnd samþykkt að heimilaður opnunartími verði eigi lengur en til kl. 01:00 nema á föstudögum og laugardögum verði heimilt að hafa opið til kl. 03:00.