Opinn íbúafundur Isavia í Hjómahöll síðdegis

Opinn íbúafundur Isavia í Hjómahöll verður haldinn í dag, miðvikudag kl. 17:00. Á fundinum verður rædd starfsemin á Keflavíkurflugvelli og áhrif hennar á samfélagið.

 

Á fundinum verður farið yfir þær framkvæmdir sem eru framundan á Keflavíkurflugvelli. Einnig verður farið yfir þær umhverfismælingar sem eru í gangi og kynntir nýir flugferlar. Farið verður yfir spár um ný bein störf sem skapast vegna aukinna umsvifa á Keflavíkurflugvelli og hvaða vaxtarverki það getur haft í för með sér.

 

Frummælendur á fundinum verða:

 

Björn Óli Hauksson forstjóri Isavia

 

Guðmundur Daði Rúnarsson framkvæmdastjóri tækni- og eignasviði Keflavíkurflugvallar

 

Haraldur Ólafsson yfirflugumferðarstjóri á Keflavíkurflugvelli

 

Valur Klemensson deildarstjóri umhverfisdeildar á Keflavíkurflugvelli

 

Guðný María Jóhannsdóttir aðstoðarframkvæmdastjóri á Keflavíkurflugvelli

 

Dr. Huginn Freyr Þorsteinsson sérfræðingur og eigandi Aton

 

Fundurinn verður í beinni útsendingu á fésbókarsíðu Víkurfrétta.