Opinn dagur í Gerðaskóla

Á morgun föstudag verður opinn skóladagur í Gerðaskóla. Þó svo að skólinn sé alltaf opinn foreldrum og öðrum góðum gestum var ákveðið að minna á það með þessum hætti og bjóða öllum að líta við.

 

Skólastarfið verður í engu frábrugðið venjulegri stundarskrá á föstudegi en þó verður kaffisopi á boðstólum á göngum og muffins sem nemendur hafa bakað í tilefni dagsins.

Allir eru hjartanlega velkomnir og starfsfólk og nemendur vonast til að margir líti við.

 

Af vefsíðu Garðs