Ölvaður sjómaður í Sandgerði datt í sjóinn

Töluverður erill var hjá Lögreglunni í Keflavík um helgina. Klukkan hálf fjögur aðfararnótt laugardagsins var lögreglan kölluð að Sandgerðishöfn þar sem tilkynnt var um að sjómaður hefði dottið í sjóinn milli báts og bryggju. Skipverjar í nálægum bát heyrðu hróp mannsins og tókst að bjarga honum á þurrt. Sjómaðurinn var talsvert ölvaður, en hann var að fara um borð í bátinn þegar hann datt í sjóinn. Manninum varð ekki meint af volkinu.

VF-ljósmynd: Frá smábátahöfninni í Sandgerði.