Ölvaður ók á staur

Einn var tekinn ölvaður við akstur í Reykjanesbæ. Sá kom upp um sig þegar hann ók á ljósastaur á Ásbrú, gamla varnarsvæðinu.

Einn ökumaður var tekinn grunaður um ölvun við akstur á Reykjanesbrautinni í nótt.  Hann var færður á lögreglustöðina við Hringbraut þar sem hann var sviptur ökuréttindum til bráðabirgða.

Þrír ökumenn voru teknir fyrir of hraðan akstur á Reykjanesbrautinni í nótt.  Þeir mældust á 122, 119 og 125 km/klst. þar sem hámarkshraðinn er 90 km/klst.

Að öðru leyti var nóttin róleg á Suðurnesjum.