Ólafur Ragnar með 63,4% í Suðurkjördæmi

Ólafur Ragnar Grímsson fékk 63,4% atkvæða í Suðurkjördæmi þegar öll atkvæði höfðu verið talin. Þóra Arnórsdóttir var með 23,8% atkvæða í kjördæminu. Kjörsókn í kjördæminu var 68,3%.

Í Suðurkjördæmi greiddu 22.826 einstaklingar atkvæði. Ólafur Ragnar fékk 14.285 atkvæða, Þóra 5.366, Ari Trausti Guðmundsson 1.746, Herdís Þorgeirsdóttir 549, Andrea Ólafsdóttir 329 og Hannes 197 atkvæði.

Auðir seðlar voru 308 og ógildir 26.