Ökumaður grunaður um ölvun

Einn ökumaður var tekinn grunaður um ölvun við akstur á annars rólegri dagvakt hjá Lögreglunni í Keflavík í gær.

Einn ökumaður var tekinn fyrir að aka sviptur ökuréttindum í gærkvöldi og tveir voru kærðir fyrir of hraðan akstur. Annar á Reykjanesbraut og hinn á Njarðarbraut. Sá sem hraðar ók mældist á 79 km. hraða þar sem leyfður hámarkshraði er 50 km.

Eitt útkall barst vegna heimilisófriðar og ölvunar.