Ók upp í snjóruðning og valt

Einn var fluttur á Heilbrigðisstofnun Suðurnesja til skoðunar eftir bílveltu á Hringbraut í Keflavík í gærmorgun. Ökumaður hafði misst stjórn á bifreið sinni og ók henni upp í háan snjóruðning á bílastæði og velti bílnum.

Að sögn lögreglu meiddist ökumaðurinn ekki alvarlega. Lögreglumenn segja aðstæður á bílastæðum við Hringbrautina afleitar.