Ók á ljósastaur
Lögreglan á Suðurnesjum handtók ökumann í Reykjanesbæ í gær grunaðan um akstur undir áhrifum fíkniefna. Þá var annar ökumaður grunaður um akstur undir áhrifum en sá hafði endað ökuferð sína á ljósastaur inn við Kúagerði morguninn áður. Talið er að hann hafi lognast út af undir stýri með fyrrgreindum afleiðingum. Hann sakaði ekki en bifreiðina þurfti að fjarlægja með kranabifreið.
