Óður ökuþór

17 ára piltur var stöðvaður af lögreglu á Reykjanesbraut skömmu fyrir miðnætti sl. fimmtudagskvöld, á 172 km hraða.Við nánari athugun kom í ljós að drengurinn hafði aðeins haft bílprófið í um 3 vikur. Rúmum tveimur klukkustundum síðar var sami aðili stöðvaður aftur á brautinni, og hafði þá aðeins slegið af, eða niður í 123 km hraða. Það má segja að ungi ökumaðurinn byrji ökuferilinn ekki gæfulega.