Nýtt Tímarit Víkurfrétta: Óskað eftir blaðsölubörnum

Tímarit Víkurfrétta er komið út, það þriðja á árinu, og er fullt af áhugaverðum viðtölum, myndasöfnum og fleiru. Það er fáanlegt í helstu verslunum og söluturnum á Suðurnesjum.

Áhugasöm blaðsölubörn geta komið á skrifstofu Víkurfrétta í dag til kl. 17 eða á morgun og náð í blöð til að selja gegn þóknun. Síðast gekk blaðsölubörnum afar vel að selja og er þetta því kjörið tækifæri fyrir krakka til að fá smá vasapening.