Nýtt framboð í Reykjanesbæ
- Vilja samráð við bæjarbúa í stórum málum
Nýtt stjórnmálafl mun bjóða fram framboðslista í bæjarstjórnakosningunum þann 31.maí nk. í Reykjanesbæ. Meðal þeirra sem komið hafa að undirbúningi eru Guðbrandur Einarsson, Anna Lóa Ólafsdóttir, Kristján Jóhannsson, Kolbrún Jóna Pétursdóttir, Lovísa Hafsteinsdóttir, Hulda Björk Þorkelsdóttir og Helga María Finnbjörnsdóttir. Málefnavinna er hafin og vinna við framboðslista langt komin.
Framboðið tengist engum flokkum heldur er grasrótarhreyfing bæjarbúa sem vill stuðla að auknu lýðræði í bæjarfélaginu.
Meðal helstu mála hins nýja framboðs er breytt stjórnsýsla þar sem lögð verður áhersla á samráð við bæjarbúa í stórum málum, menning- og blómlegt mannlíf.
