Nýr útivistartími tekur gildi í dag

Útivistartími barna tekur breytingum í dag, 1. september. Börn, 12 ára og yngri, mega ekki vera úti eftir kl. 20:00 á kvöldin, nema í fylgd með foreldrum eða forráðamönnum. Börn á aldrinum 13-16 ára mega ekki vera úti eftir kl. 22:00 á kvöldin.

 

Útivistarreglur barna eru samkvæmt barnaverndarlögum og mega börn ekki vera á almannafæri nema í fylgd með fullorðnum sem hér segir:

 

Frá 1. september til 1. maí mega 12 ára börn og yngri ekki vera úti eftir kl. 20 og 13 - 16 ára börn mega ekki vera úti eftir kl. 22.

 

Frá 1. maí til 1. september mega 12 ára börn og yngri ekki vera úti eftir kl. 22 og 13 - 16 ára börn mega ekki vera úti eftir kl. 24.

 

Bregða má út af reglunum þegar börn 13-16 ára eru á heimleið frá viðurkenndri skóla-, íþrótta- eða æskulýðssamkomu.