Nýr Páll Jónson GK kemur til Grindavíkur í dag

Nýtt skip í eigu útgerðarfyrirtækisins Vísis hf, Páll Jónsson GK 7 er væntanlegt til Grindavíkurhafnar í dag eftir næstum viku siglingu frá Gdansk í Póllandi. Siglingaleiðin er um 1.500 sjómílur.

Páll Jónsson GK 7 kemur til hafnar um hádegisbilið og er áætlað að búið verði að tollafgreiða skipið um kl. 15:00. Þá er bæjarbúum boðið að koma og skoða skipið og þiggja kaffi og kleinur, segir á vef Grindavíkurbæjar.