Nýr Norðurgarður gjörbyltir aðstöðu við höfnina

Búið er að steypa þekjuna á Norðurgarði, hafnarkantinum fyrir framan útgerðarfyrirtækið Vísi í Grindavík. Alls var steyptur um þrjú þúsund fermetra flötur.
Þá var afgangssteypa notað í að laga bryggjuna í Staðarhverfi.

Steypuframkvæmdirnar gengu framar vonum og er frágangsvinna næst á döfinni. Þá standa yfir framkvæmdir við nýtt vigtarhús. Fullkláraður Norðurgarður með nýju vigtarhúsi verður mikil lyftistöng fyrir Grindavíkurhöfn og gjörbyltir allri aðstöðu við höfnina.
---

Mynd/www.grindavik.is - Unnið að jarðvegsframkvæmdum vegna nýja vigtarhússins.