Nýr Hannes Þ. Hafstein vígður í Sandgerði

Vígslu Hannesar Þ. Hafstein, björgunarskipsins í Sandgerði, var fagnað í gær, laugardag. Stjórn Slysavarnafélagsins Landsbjargar var viðstödd, ásamt afkomendum Hannesar Þ. Hafstein, bæjarstjórnarfólki og slysavarnafólki.

Afkomandi og alnafni Hannesar Þ. Hafstein afhjúpaði nafnið á björgunarskipinu. Sr. Björn Sveinn Björnsson sóknarprestur fór með blessunarorð og gestum var boðið að skoða skipið.

Það eru Björgunarsveitin Sigurvon í Sandgerði og Björgunarsveitin Suðurnes í Reykjanesbæ sem standa að rekstri björgunarskipsins.

Ljósmynd: Hilmar Bragi