Nýbúadagur í Grindavík

Laugardaginn 29. janúar sl. fór fram kynning í Saltfisksetrinu fyrir nýbúa í Grindavík.
Þar voru m.a. fulltrúar frá skóla, æskulýðsstarfsemi, tónlistarskólanum, stjórnsýslu bæjarins, bæjarfulltrúar og félagsmálafulltrúi. Einnig voru aðilar frá miðstöð símenntunar á Suðurnesjum og Verkalýðsfélagi Grindavíkur. Um 50 manns af ýmsu þjóðerni mættu á uppákomuna sem gekk afar vel.

Í boði voru léttar veitingar og tónlistaratriði á vegum tónlistarskólans, Ólafur Ö Ólafsson, bæjarstjóri, bauð gesti velkomna og kynnti dagskrána.

VF-myndir/Þorsteinn Gunnar Kristjánsson