Ný stjórn í Hitaveitu Suðurnesja
Ný stjórn hefur verið kjörin í Hitaveitu Suðurnesja í kjölfar mikilla breytinga á eignarhaldi í félaginu. Boðað var til hluthafafundar síðastliðinn föstudag þar sem stjórnarkjör fór fram. Árni Sigfússon, bæjarstjóri í Reykjanesbæ, verður áfram stjórnarformaður, Reykjanesbær á auk þess tvo aðra fulltrúa í stjórninni, þau Björk Guðjónsdóttur og Guðbrand Einarsson. Ásgeir Margeirsson og Jón Sigurðsson koma inn fyrir Geysir Green Engery, Gunnar Svavarson situr áfram fyrir hönd Hafnarfjarðarbæjar og Harpa Gunnarsdóttir verður fulltrúi Orkuveitu Reykjavíkur.
