Notar bæjarmerki í óþökk bæjaryfirvalda
– flugeldasalan Reykjanesbæ óviðkomandi
Flugeldasalan Alvöru flugeldar notar bæjarmerki Reykjanesbæjar til að auglýsa flugeldasölu sína í Reykjanesbæ í leyfisleysi. Merkið er notað á auglýsingabæklingi sem dreift var í öll hús í Reykjanesbæ.
Kjartan Már Kjartansson, bæjarstjóri Reykjanesbæjar, segir að þessi notkun á merki bæjarins sé í algjöru leyfisleysi. Hann segir merkið notað í óþökk bæjaryfirvalda og að þessi flugeldasala sé Reykjanesbæ algjörlega óviðkomandi.
„Við höfum rætt við flugeldasalann um málið en lítið er hægt að gera héðan af,“ segir Kjartan Már í samtali við Víkurfréttir.
