Norskt varðskip sótti búnað í Helguvík

Norska varðskipið Harstad kom til Helguvíkur á sunnudagskvöld. Erindið var að sækja búnað sem norski flugherinn var með á Keflavíkurflugvelli þegar loftrýmisgæslan stóð yfir nú í mars.

Búnaðurinn var hífður um borð í norska varðskipið sem síðan hélt áleiðis til Noregs í gær.

Meðfylgjandi myndir voru teknar í Helguvík á sunnudagskvöld en hinn norski Harstad er systurskip hins íslenska Þórs hjá Landhelgisgæslunni.

VF-myndir: Hilmar Bragi