Norðurál ánægt með niðurstöðu úr gerðardómi - Helguvík vonandi á fullan skrið

„Við erum ánægð með niðurstöðu gerðardómsins og vonumst til þess að Norðurál og HS Orka geti tekið höndum saman við að koma framkvæmdum í Helguvík á fullan skrið sem allra fyrst" segir Ragnar Guðmundsson, forstjóri Norðuráls en Norðurál hefur fengið niðurstöðu úr gerðardómsmáli við HS Orku, varðandi orkuafhendingu til álvers félagsins í Helguvík.

Gerðardómurinn komst að þeirri niðurstöðu að orkusölusamningur aðila sé í fullu gildi, og að HS Orka sé skuldbundin til að afhenda Norðuráli þá raforku sem samningurinn tilgreinir í samræmi við skilmála hans.