Nokkur hundruð lítrar af olíu láku í Grindavíkurhöfn

Nokkur hundruð lítrar af olíu láku í Grindavíkurhöfn á fimmtudagskvöld. Verið var að dæla gasolíu á Tjaldanes GK-525 þegar óhappið varð. Talið er að olían hafi lekið gegnum yfirfallsrör þegar verið var að dæla á dagtanka skipsins.
Olíufnykur fannst við höfnina en talið er að olían hafi lekið í sjóinn í um klukkustund. Hafnarvörður hjá Grindavíkurhöfn tilkynnti um málið til lögreglunnar í Keflavík sem síðan tilkynnti það heilbrigðiseftirliti.

Myndin: Frá Grindavíkurhöfn. VF-ljósmynd/Hilmar Bragi.