Njarðvíkurskóli fær nýtt merki

Nýtt merki hefur verið tekið upp fyrir Njarðvíkurskóla. Hönnuður þess er Valbjörg Ómarsdóttir, sem er nemandi í 10. bekk skólans, en hún sigraði í samkeppni sem haldin var í þeim tilgangi að hanna merki skólans þar sem á annað hundrað tillögur bárust.
Tillaga Valbjargar, sem nú er orðin að merki skólans er ákaflega stílhreint. Hugsunin á bak við merkið er hús með nemendum og fólki inni í því, en á bak við er rísandi sól sem táknar framtíðina.
Eric Farley myndlistarkennari og garfískur hönnuður hafði yfirumsjón með keppninni og útfærði að lokum tillögu Valbjargar til prentunar.