Níu manna rúta keyrði niður ljósastaur

Óhapp varð á Reykjanesbraut skammt vestan við Grindavíkurveg síðdegis í gær. Þar var smárútu ekið á ljósastaur. Samtals voru níu aðilar í rútunni en enginn slasaðist. Ljósastaurinn féll á jörðina við höggið.

Á dagvaktinni í gær hafði lögreglan á Suðurnesjum afskipti af þremur ökumönnum vegna hraðaksturs, tveir óku á 79 km hraða þar sem hámarkshraði er 50 km/klst og einn mældist á 94 km hraða þar sem hámarkshraði er 70 km/klst. Má hvor eiga von á sekt að upphæð 25-30 þúsund krónum.

Tveir voru stöðvaðir fyrir að vera ekki með öryggisbelti spennt og einn fyrir að virða ekki stöðvunarskyldu.

Mynd úr safni VF