Mótauppsláttur fauk í Tjarnarhverfi

Í gærkvöldi bárust nokkrar tilkynningar um fok til lögreglunnar í Keflavík, en þá var orðið verulega hvasst. Uppsláttur að húsi í byggingu við Álfatjörn í Innri-Njarðvík féll niður. Tréplötur fuku á hús og bíl við hliðina og varð tjón á bílnum.

Í Sandgerði var björgunarsveitin Sigurvon kölluð til aðstoðar vegna húss í byggingu sem hætta var á að fyki. Tókst að koma í veg fyrir það.

Nokkrar þarkplötur fuku úr porti BYKO en ekki er vitað um skemmdir vegna þess.

Mynd: Frá Sandgerði, þar sem björgunarsveitin var kölluð út vegna veðurs.