Mögnuð norðurljósasýning

Það var mögnuð norðurljósasýning á himninum yfir Reykjanesskaganum í gærkvöldi og af upplýsingum af samfélagsmiðlum þá virðist fólk hafa staðið agndofa og horft á þetta sjónarspil á himni. Norðurljósaspá fyrir kvöldið í kvöld er mjög góð. Það á hins vegar að þykkna upp með kvöldinu á Suðurnesjum og því spurning hvort við fáum eins glæsilega sýningu og í gærkvöldi.

Ljósmyndari Víkurfrétta tók þessar tvær myndir þegar sýningu gærkvöldsins var að ljúka. Skömmu áður má segja að himininn hafi verið logandi af norðurljósum. Þá var hins vegar ljósmyndavélin víðsfjarri.

VF-myndir: Hilmar Bragi