Minningarsjóður Gísla Þórs Þórarinssonar veitti styrki til góðra mála

Minningarsjóður Gísla Þórs Þórarinssonar var stofnaður í fyrra til minningar um Njarðvíkinginn Gísla Þór og er tilgangur sjóðsins að veita styrki til góðgerðarmála. Veittir eru styrkir úr sjóðnum þann 1. september ár hvert, á afmælisdegi Gísla Þórs.

Sjóðurinn hefur það að markmiði að styrkja málefni þar sem að velferð barna og unglinga er í forgrunni.

Í ár ákvað sjóðurinn að veita styrk til stofnunar barnalúðrasveitar í Meham í Noregi, Njarðvíkurskóla, Kvenfélags Njarðvíkur, Minningarsjóðs Ölla og tveggja einstaklinga.

Styrkirnir í ár eiga það sameiginlegt að aðstoða börn og unglinga við að stunda íþróttir, tómstundir og annað félagslíf barna.