Minningarmessa í Keflavíkurkirkju á sunnudagsmorgun

Minningarmessu í Keflavíkurkirkju sem var frestað vegna veðurs verður haldin sunnudaginn 25. febrúar kl. 11:00

 

Vegna veðurs var minningarmessu, sem áður var auglýst frestað. Komandi sunnudag verður því guðsþjónustan kl. 11:00 helguð von í minningu þeim örlagaríka sjóslyssdegi 8. janúar 1988 er Bergþór KE 5 sökk. Tveir úr áhöfninni fórust en þrír björguðust. 

 

Í nærveru aðstandenda, áhafnarmeðlima er komust af og kirkjugesta verður sagan sögð af Bylgju Dís Gunnarsdóttur sem einnig mun flytja einsöng.  

 

Kórfélagar syngja undir stjórn Arnórs organista. 

 

Sunnudagaskóli verður á sínum stað á sama tíma. 

 

Sr. Erla Guðmundsdóttir þjónar. Messu- og súpuþjónar ásamt fermingarforeldrum sinna mikilvægri þjónustu. Verið öll velkomin að þiggja súpu og Sigurjónsbrauð í lokin, segir í tilkynningu.