Miklar framkvæmdir við Leifsstöð

Unnið er að stækkun Flugstöðvar Leifs Eiríkssonar hf. brottfararmegin, en fyrirtækið Ístak sér um stækkun flugstöðvarinnar. Að sögn Gísla Kristóferssonar verkstjóra hjá Ístak ganga framkvæmdir vel. Búið er að grafa út fyrir fyrsta og annan áfanga og unnið er að því að steypa sökkla. „Við verðum búnir með fyrsta áfanga í lok maí, en í þeim áfanga felst jarðvegsvinna, uppsteypa sökkla og gólfplötu, auk þess sem stálvirkið verður klárað,“ segir Gísli en verið er að framleiða gler og glervirki sem komið verður upp. Í byrjun september er áætlað að vinna við stækkun hefjist komumegin í flugstöðinni.

Myndin: Framkvæmdir við Flugstöð Leifs Eiríkssonar hf. VF-ljósmynd/Jóhannes Kr. Kristjánsson.