Mikill öldugangur í Grindavík

Vonskuveður er nú í Grindavík og hafa hafnaryfirvöld beðið sjómenn að huga að bátum í höfninni vegna öldugangs. Ölduhæð þar er nú orðin 11,5 m og gert er ráð fyrir að flóðhæð á kvöldflóði verði allt að 4,5-5m þannig að menn eru beðnir um að huga að landfestum.

Samkvæmt upplýsingum frá Veðurstofu fóru veðurskil yfir Vesturlandið um hádegisbil og lægði aðeins í kjölfarið. Síðan hefur bætt aftur í vindinn og núna er ástandið verst í Grindavík og nágrenni.  Samkvæmt veðurspá tekur vind að lægja í kvöld og í nótt.


Mynd: Öldurótið í Grindavík getur orðið býsna tilkomumikið eins og þessi mynd sýnir en hún var tekin í norðvestanáttinni á dögunum. VF-mynd: elg