Mikil aukning hegningarlagabrota á Suðurnesjum

Gífurleg aukning var á hegningarlagabrotum í umdæmi Lögreglunnar á Suðurnesjum milli ára í febrúar. Þau voru nú 109 en voru 60 í sama mánuði 2008. Þá hafði þeim fækkað frá árinu 2007 eða úr 78 í 60.
Umferðarlagabrotum fjölgaði einnig nokkuð á milli ára í febrúar eða í 311 úr 219 og fíkniefnabrotum fjölgaði í 15 úr 12.
Þetta kemur fram í gögnum frá Ríkislögreglustjóra.