Mikil afföll af jólaskrauti í Reykjanesbæ

Mikil afföll hafa orðið af jólaskrauti í Reykjanesbæ í óveðrinu sem verið hefur frá því snemma í morgun. Víða hafa stórar skreytingar fokið niður úr staurum og eyðilagst. Reykjanesbær keypti mikið af nýju skrauti fyrir þessi jól, en fjölmargar skreytingar úr nýja skrautinu hafa eyðilagst í desemberveðrunum.

Meðfylgjandi mynd var tekin í morgun af skreytingu í staur í hringtorgi við Víkurbraut og Hafnargötu. Skömmu eftir að myndin var tekin skall skreytingin með látum í götunni og eyðilagðist endanlega.

 

Reykjanesbær tryggði allar sínar jólaskreytingar í byrjun desember, enda milljónir í húfi.

Víkurfréttamynd: Hilmar Bragi