Mikið álag á háanntíma í FLE

Ferðamönn­um sem fara um Flug­stöð Leifs Ei­ríks­son­ar hef­ur fjölgað um 91% frá ár­inu 2003. Á sama tíma fjölgaði flug­véla­stæðum við flug­stöðina um tæp 40%. Að sögn upp­lýs­inga­full­trúa ISA­VIA þarf að taka næstu skref varðandi frek­ari upp­bygg­ingu flug­stöðvar­inn­ar til þess að auka af­kasta­getu henn­ar á álags­tím­um. Frá þessu er greint í Morgunblaðinu í dag.

Friðþór Eydal upplýsingafulltrúi ISAVIA segir að flugstöðin ráði þó ágætlega við þessa miklu aukningu farþega. „Vandamálið er þó þessi mikla aukning á háannatíma sem stendur yfir mjög lítinn hluta sólarhringsins. Þess á milli stendur húsið meira og minna autt,“ segir Friðþór í samtali við Morgunblaðið. Friðþór segir að leiðarkerfi flugfélaga séu sett upp þannig að Ísland sé í miðjunni í báðar áttir yfir Atlantshafið, þannig verði flugvélarnar að vera tvisvar á sólarhring í Keflavík. „Það gefur því auga leið að öll stækkun þarf að tala mið af því að auka rými á þessum ákveðna álagstíma,“ bætir Friðþór við.

Í fyrra fór met­fjöldi farþega í gegn­um flug­stöðina, eða rúm­lega millj­ón farþegar, á meðan farþegafjöldinn var rúmlega 600 þúsund árið 2003.