Meirihlutinn fallinn í Reykjanesbæ

Meiri­hluti Sjálf­stæðis­flokks­ins í bæj­ar­stjórn Reykja­nes­bæj­ar er fall­inn sam­kvæmt nýrri könn­un Fé­lags­vís­inda­stofn­un­ar fyr­ir Morg­un­blaðið. Þetta kemur fram á mbl.is.

Flokk­ur­inn tap­ar miklu fylgi, fær 37,1% at­kvæða og fjóra bæj­ar­full­trúa, en fékk 52,8% at­kvæða í kosn­ing­un­um árið 2010 og sjö menn kjörna í ell­efu manna bæj­ar­stjórn.

„Ég tek þess­um töl­um mjög al­var­lega. Þetta er mæl­ing á stöðunni eins og hún er í dag og ekki ástæða til að gera lítið úr því,“ sagði Árni Sig­fús­son bæj­ar­stjóri í samtali við mbl.is. „Það er mik­il­vægt að fá mæl­ingu svona í upp­hafi kosn­inga­bar­átt­unn­ar. Það auðveld­ar mönn­um að átta sig á því hvar þeir geta tekið á.“

Aðrir flokk­ar í bæj­ar­stjórn tapa einnig fylgi, að því er fram kem­ur í frétta­skýr­ingu um skoðana­mæl­ing­una í Morg­un­blaðinu í dag.