Meintir árásarmenn neita sök

Mennirnir tveir, sem handteknir voru í Reykjavík í fyrrinótt, grunaðir um húsbrot og fólskulega árás á húsráðanda í Keflavík í fyrrakvöld, neituðu allri sök við yfirheyrslur í Keflavík í gær.
Þeim var sleppt seint í gærkvöldi, en rannsókn málsins heldur áfram. Mennirnir fundust í sama bíl og árásarmennirnir notuðu, til að koma sér af vettvangi árásarinnar. Þeir eiga báðir brotaferil að baki, meðal annars fyrir fíkniefnabrot. Visir.is greinir frá.