Meðvitundarlaus eftir fall niður stiga á skemmtistað í Keflavík

Slys var á H-punktinum í nótt er maður féll niður tröppur og lenti með höfuðið á flísum í andyrum staðarins á fyrstu hæð.  Við fallið missti maðurinn meðvitund og fékk stóran skurð á höfuðið.  Hann var fluttur með sjúkrabifreið á Heilbrigðisstofnun Suðurnesja til skoðunar.  Þaðan var hann fluttur á Landsspítala Háskólasjúkrahús til frekari skoðunar.   Ekki er vitað um tildrög slyssins en málið er í rannsókn. 

Þá veittis ölvaður maður að lögreglumönnum er þeir sinntu hinum slasaða á H-punkintum.  Maðurinn, sem var mjög ölvaður og æstur, var handtekinn og færður í fangahús og bíður yfirheyrslu þegar runnið hefur af honum.

 

Mynd: Frá Hafnargötu í Keflavík, þar sem skemmtistaðurinn H-punkturinn stendur. Ljósm.: elg